Waziri wa Kilimo wa Kaunti ya Kwale, Mheshimiwa Roman Shera, amepokea magurudumu ya magari yaliyowasilishwa na Kampuni ya Mwangani Mwangaza Women Limited, ambayo inaungwa mkono na akina mama kutoka Wadi ya Mwavumbo, Katika Kaunti ya Kinango. Tukio hili lilifanyika Jumatatu, Julai 7, 2025, na limeonyesha juhudi za kuimarisha uchumi wa ndani kupitia kampuni zinazoendeshwa na wanawake.
Kampuni ya Mwangani Mwangaza ni moja kati ya kampuni 105 za wanawake na vijana ambazo zimepewa zabuni na Serikali ya Kaunti ya Kwale, kati ya kampuni 300 zilizosajiliwa katika kaunti hiyo. Waziri Shera amesisitiza kuwa hatua hii ni onyesho la kujitolea kwa serikali katika kuwezesha wafanyabiashara wa ndani, hasa wanawake, na kukuza ukuaji wa uchumi unaojumuisha wote.
“Nashukuru kupokea magurudumu haya kutoka kwa Mwangani Mwangaza Women Limited. Mafanikio haya yanaonyesha wazi kujitolea kwetu katika kuwezesha makampuni ya wanawake na vijana,” alisema Waziri Shera.
Aidha, aliongeza kuwa kaunti itaendelea kuunda fursa kwa vikundi vya msingi kushiriki katika ununuzi wa umma na kujenga maisha endelevu.
Hatua hii inatarajiwa kuhamasisha makundi zaidi ya wanawake na vijana kuchukua nafasi katika maendeleo ya kiuchumi wa Kaunti ya Kwale.
