Argentina iliibuka na ushindi wa mabao 2-1 dhidi ya England na kufuzu fainali.
England ilitangulia kufunga kupitia kwa Anthony Gordon dakika ya 55. Hata hivyo, Argentina ilirejea kwa nguvu mwishoni mwa mchezo, ambapo Enzo Fernández alisawazisha dakika ya 85 kabla ya Lautaro Martínez kufunga bao la ushindi katika muda wa nyongeza. Lionel Messi alitoa pasi za mabao yote mawili ya Argentina na kuwa mchezaji muhimu katika ushindi huo.
Kwa ushindi huo:
- Argentina itacheza fainali dhidi ya Hispania tarehe 19 Julai.
- England itachuana na Ufaransa katika mechi ya kusaka nafasi ya tatu
Tukirudi hapa nyumbani Timu ya Goodhope imeanza kampeni yake kwa kishindo baada ya kuibuka na ushindi wa mabao 3-1 dhidi ya Nyundo FC mwishoni mwa kipindi cha kwanza katika mchezo wa mashindano ya Sisi ni Dola Cup 2026.
Mchezo huo ulihudhuriwa na mashabiki wengi waliojitokeza kwa wingi kuzishangilia timu zao na kushuhudia ushindani wa hali ya juu.
Goodhope ilianza mchezo kwa kasi na kufungua ukurasa wa mabao kupitia kwa mshambuliaji Samson Said. Muda mfupi baadaye, Mumba Bidii aliongeza bao la pili kwa shuti kali lililowashinda walinzi na kipa wa Nyundo FC.
Dakika chache baadaye, Sadam Salim aliifungia Goodhope bao la tatu na kuiweka timu hiyo katika nafasi nzuri ya kuutawala mchezo.
Nyundo FC haikukata tamaa na ilifanikiwa kupata bao lake pekee la kipindi cha kwanza kupitia kwa Orute, aliyemalizia vyema shambulizi lililoandaliwa na wenzake na kuwapa matumaini mashabiki wao kuelekea mapumziko.
Katika kipindi cha kwanza, Goodhope ilionyesha umiliki mzuri wa mpira, ikatengeneza nafasi nyingi za kufunga na kutumia ipasavyo makosa ya safu ya ulinzi ya Nyundo FC.
Kwa upande mwingine, Nyundo FC ilionyesha nia ya kupambana lakini ilikosa umakini katika eneo la ulinzi, jambo lililowapa Goodhope nafasi ya kuandika mabao matatu.
Mwamuzi alipuliza kipenga cha kumalizika kwa kipindi cha kwanza huku Goodhope ikiongoza kwa mabao 3-1. Mashabiki sasa wanasubiri kwa hamu kuona iwapo Nyundo FC itarejea kwa nguvu kipindi cha pili au kama Goodhope itaendeleza ubabe wake na kusonga mbele katika mashindano hayo.
